18/5/17

A VIDA DE CARLOS CASARES EN RAP

Para festexar o día das Letras Galegas que este ano 2017 homenaxea a Carlos Casares, nunha aula do CPI Mosteiro Meis o alumnado retou ao seu profesor a que lles rapeara a vida de Carlos Casares. E este foi o resultado.

8/5/17

ANTÓN CORTIZAS

O día 4 de maio Antón Cortizas estivo coas alumnas e alumnos de segundo curso de primaria para falarlles do seu libro "O lapis de Rosalía".



Pásarono moi ben coas historias do máxico lapis e co obradoiro de xogos de papel.


E tivo tempos para unha pequena entrevista na radio da nosa escola.





4/5/17

PLANETARIO NA BIBLIOTECA

A nosa Biblioteca convertiuse por un día nun marabilloso planetario no que o alumnado de 5º de Primaria guiou ao resto da primaria por unha fantástica viaxe sobre a orixe do universo, o sistema solar, as estrelas e as constelacións. Música, proxeccións, realidade aumentada, tablets, xogos e contos foron algunas das actividades que se levaron a cabo durante estas xornadas astronómicas. Mirade este vídeo como pequeno exemplo de o que alí aconteceu.


25/4/17

MARCOS CALVEIRO

Visitounos Marcos Calveiro para falar dos  seus libros  "Unha casiña branca", "Palabras de Auga" e "O pintor do sombreiro de malvas", que leron os alumnos e alumnas de 4 ºe  5º  de Primaria e 1º de ESO.

Sara, Alex, Nerea e Carla aproveitaron para facerlle unha pequena entrevisra na radio escolar.


20/3/17

O ELEFANTE E A GALIÑA

Os nenos e nenas de 1º de Primaria estiveron traballando un conto fermoso do libro "Palabras de África" que remataron cun videomontaxe da historia. A historia titúlase "O elefante e a galiña" e pouco a pouco elaboraron os materiais e a historia. Despois de varios ensaios gravouse todo na aula e este foi o resultado. Agardamos que vos guste.


2/3/17

180 ANOS DE ROSALÍA

O día 24 de febreiro conmemoramos na Biblioteca o 180 aniversario do nacemento de Rosalía de Castro cun recital de poesía e a representación no teatriño de papel do libro  "Rosalía" de Helena Villar e Anxeles Ferrer da Fundación Rosalía de Castro.